مجرد عطل قلب

*فيروس هجرك عطل القلب
ودمر ملفات الفرح في حياتي..!!
ياللي سكنت القلب من دون تحميل..
متى لموقعنا تشرف وتاتي..؟!
عنوانكم ماهوب (ياهو) ولا (هوت ميل)..
عنوانكم روحي وقلبي وذاتي...


*تزعل علي وانا الذي منك زعلان~
وارضيك لوحقي عليك اشتكيلك
احيان اجي ضدك واجي بصفك احيان~
تطيح من عيني وقلبي يشيلك
ان غبت عنك ردني الشوق ولهان~
وان غبت عني ما ادور بديلك~


*لي أيام حزينة
ولي ذكريات أليمة
وزدت عليها سواتك اللعينة


*دريت اني بكيت
لأنك في حقي خطيت
افضحتني دموعي
ولامنديل لقيت


*أصبر ياقلبي وأنتظر خل الحزن مكتوم

كل المعاني تغيرت وأتضحت الصوره

صار الصدق في هالزمن مثل الوفا معدوم

ونفوسنا تجرحت والفرحة مكسورة

كل المبادئ تنشري واللي معاه يسوم

حتي المشاعر ارخصت والكلمة مهدوره


*قلت: أحبـــك..وأنت قلت:
البيت بيتك!
قلت: نــــار.. وقلت لي:
برد..وسلام!
وراحت سنيني وأنا..
علك وليتك!
بالغـــرام انك تبادلني
الغـــرام!
مابقى رجوة لي
مارجيتك!
ومن ورى ظهرك رميت..
الاهتمام!
جيت لك ميت واحسب..
اني حييتك!
واثر حبي مرك
امرور الكرام!!


*تعرف وش العذاب على أصوله؟

العذاب انك تحب
أنسان
مايعرف غلاتك؟؟
العذاب انك تحب
أنسان
يتجاهل حدودك!!
العذاب انك تعذب
كل قلب
يشوف قلبك!
العذاب تعيش
بعالمك
من دون حب!!
العذاب يموت
قلبك
ولا احد
يعرف بموته..!